TIRANË, 2 shtator/ATSH/ Pas ndërhyrjes në kohë të forcave zjarrfikëse, u arrit të vihej në kontroll në kohë një vatër zjarri në Durrës.
Kryetarja e bashkisë së Durrësit, Valbona Sako vlerësoi sot ndërhyrjen në kohë nga ana e Policisë Bashkiake dhe forcave zjarrfikëse.
“Tek Ura e Dajlanit patrulla e Policisë Bashkiake ka konstatuar një vatër zjarri. Djegie e disa mbeturinave të hedhura në anë të rrugës. Janë marrë masa për bllokimin e trafikut dhe largimin e kalimtarëve nga rruga”, tha Sako.
Ajo theksoi se “me ardhjen në kohë të njësisë së zjarrfikësve u bë e mundur fikja e zjarrit”.
/m.m/
