BERLIN, 2 shtator /ATSH-AFP/ – Meng Meng, panda femër e Kopshtit Zoologjik të Berlinit, lindi binjakë, për herë të parë në Gjermani.
“Meng Meng dhe dy të vegjlit e saj janë në gjendje të mirë”, njoftoi drejtori i Kopshtit Zoologjik, Andreas Knieriem.
Dy pandat gjigante janë lindur në një interval kohor prej një orë nga njëra-tjetra dhe peshojnë 186 dhe 136 gramë. Gjinia e tyre nuk dihet ende.
“Ndërkohë që pandat rrisin vetëm një bebe, pas lindjes së binjakëve Kopshti Zoologjik ka vendosur ta ndihmojë Meng Mengun në mënyrë aktive duke i mbajtur të vegjlit në një inkubator për disa orë në ditë”, theksoi ai.
“Ekzistojnë vetëm 1 864 panda gjigante të rritura në natyrë dhe çdo bebe kontribuon në ruajtjen e hapësirës”, theksoi Knieriem.
Meng Meng (“Endrra e vogël” dhe mashkulli Jiao Qing (“Thesari i Vogël “) janë strehuar në kryeqytetin gjerman që prej qershorit 2017.
Dy pandat ishin prezantuar me pompozitet të madh nga kancelarja gjermane, Angela Merkel dhe presidenti kinez, Xi Jinping./ /ec/ a.jor.
