TIRANË, 21 Qershor /ATSH/ – “Shprehim keqardhjen e thellë për aktet e papranueshme që kanë ndodhur dje me Flamurin Kombëtar në rrugët e Shkodrës dhe që janë bërë sot publike nga mediat e pavarura”, theksoi sot zëdhënësi i Presidentit të Republikës.
Sipas tij, “Flamuri Kombëtar u takon të gjithë shqiptarëve dhe kushdo që merr përsipër ta përdorë duhet ta respektojë atë me një ndjenjë të lartë atdhedashurie, përgjegjshmërie dhe me dinjitetin e duhur siç e meriton”.
Presidenca bën thirrje që të tregohet respekt e nderim kur përdoret Flamurin Kombëtar. /gj.mima/ /a.g/
