BRUKSEL, 2 maj /ATSH-AFP/ – Rritja ekonomike në zonën euro është ngadalësuar ndjeshëm në tremujorin e parë, ndërkohë që papunësia ka mbetur e qendrueshme në muajin mars, në nivelin më të ulët që prej nëntë vitesh, njoftoi sot Eurostat.
Ky ngadalësim i rritjes ekonomike në zonën euro do të konfirmojë frikën e Bankës Qendrore Europiane (BQE).
Kjo e fundit kishte theksuar të enjten se priste një dobësim të konjukturës në zonën euro, pas disa tremujorëve rritje ekonomike, më e lartë nga sa ishte parashikuar.
Sipas shifrave paraprake nga Zyra europiane e Statistikave, Prodhimi i Brendshëm Bruto i 19 vendeve, që kanë miratuar monedhën unike, është rritur në tremujorin e parë me 0,4% nga 0,7% në tremujorin e fundit të vitit 2017.
Papunësia në zonën euro mbetet e qendrueshme në 8,5% në muajin mars, ashtu si në shkurt, në nivelin më të ulët që prej dhjetorit 2008, kur ajo ishte 8,3%.
Shifrat për rritjen ekonomike dhe papunësinë kanë konform pritshmërive të analistëve të pyetur nga kompania e shërbimit financiar “Factset”./ /ec/ a.jor.
