NJU JORK, 2 maj /ATSH-AFP/ – Dj suedez Avicii, i cili vdiq më 20 prill në Oman është vetëvrarë, raportoi sot web-i informues TMZ, duke iu referuar disa burimeve anonime.
”Ai u gjet pa shenja jete në Moskat, kryeqyteti i sulltanatit të Omanit”, vijoi TMZ.
“Ai ishte i kapluar nga mendimet për kuptimin, jetën dhe lumturinë’’, njoftuan të afërmit e tij.
”Ai nuk mundej të vazhdonte më. Ai dëshironte të gjente paqen”, shtuan ata.
I konsideruar si një nga DJ më të mirët në botë, ai u bë i njohur nga publiku i gjerë me këngën “Wake Me Up” me këngëtarin Aloe Blacc në vitin 2013.
Vitet e fundit, suedezi nuk i kishte fshehur problemet me shëndetin, më konkretisht me pankreasin shkaktuar nga konsumi i tepruar i alkoolit. Atij i është dashur të anulonte daljet në publik në vitin 2014 për të hequr fshikëzën e tëmthit dhe apandecitin.
Dy vite më parë ai njoftoi se do të linte botën e muzikës dhe nuk do të performonte më në skenë duke ngjallur habinë e fansave./ /v.b/ a.jor.
