TIRANË, 1 shkurt ATSH/ – Shkolla e Magjistraturës ka në dorë të ardhmen e Reformës në Drejtësi dhe është institucioni kryesor që do të ndryshojë kulturën e gjyqësorit shqiptar.
Kreu i Delegacionit të Bashkimit Europian në Tiranë, ambasadori Luigi Soreca, ishte sot i pranishëm në prezantimin e strategjisë së Shkollës së Magjistraturës në Republikën e Shqipërisë 2019-2013.
Soreca në fjalën e tij theksoi se, “tani që Reforma në Drejtësi po jep rezultat dhe transformimi i gjyqësorit shqiptar është bërë i prekshëm, duhet të sigurojmë qëndrueshmërinë në terma afatgjatë të sistemit”.
Ai siguroi gjithashtu mbështetjen e BE për Shkollën e Magjistraturës së Shqipërisë.
Për këtë nënvizoi ambasadori Soreca, “roli i Shkollës së Magjistraturës është shumë i rëndësishëm. Është institucioni kryesor që do të ndryshojë kulturën e gjyqësorit shqiptar. Shkolla ka në dorë të ardhmen e Reformës në Drejtësi dhe BE-në krah të saj”.
/gj.mima/
