TIRANË, 15 janar/ATSH/- Rrugët lokale janë hapura pothuajse në 80% të territorit të qytetit të Pukës dhe të kriposura, ndërsa trashësia e borës në qytet i kalon 80 cm.
Bashkia e Pukës bën të ditur se situata e ditës së sotme në territorin e bashkisë Pukë përsa i përket kushteve të motit paraqitet e përmirësuar. Temperaturat variojnë deri në – 3 gradë.
Në qytetin e Pukës gjatë ditës së sotme situata e motit paraqitet e përmirësuar energjia është pa ndërprerje dhe shkollat kanë filluar mësimin. Probleme shëndetësore nuk janë raportuar. Po ndërhyhet në mënyrë periodike për pastrimin e tyre, në rrugët dytësore brenda qytetit dhe lagjet periferike, trashësia e bores në qytet kalon 80 cm.
Njësia Administrative Gjegjan
Shkollat janë të hapura vërehet numer i ulët i nxënësve. Energjia nuk ka patur
ndërprerje. Probleme shëndetësore nuk janë raportuar. Në rrugët rurale të kësaj njësie vazhdohet të punohet për hapjen e tyre, ku po punojnë 2 mjete fadromë. Në rrugën e fshatit Mesul dhe rrugën e lagjes Sherraj. Rrugët e tjera të kësaj njësie paraqiten të qarkullueshme.
Njësia Administrative Qelëz
Shkollat janë të hapura, vëerehet numër i ulët i nxënësve , energji ka pasur pa ndërprerje. Probleme shëndetësore nuk janë raportuar, rrugët rurale të kësaj njësie janë hapur përveç 2 fshatrave, Ukth, Qerret i Vogël në rrugën e fshatit Midhe do të tentohet për hapjen e rrugës me një mjet fadromë.
Njësia Administrative Luf – Qerret
Shkollat janë të hapura, numri i nxënësve është i ulët, furnizimi me energji elektrike vijon normalisht. Nuk raportohen probleme shëndetësore. Fshati Korthpul ende i bllokuar.
Njësia Administrative Rrape
Shkollat janë hapur, vërehet numër i ulët i nxënësve, energjia elektrike nuk ka pasur ndërprerje, nuk ka pasur probleme shëndetësore, rrugët rurale janë hapur. Probleme paraqet rruga Kabash dhe rruga Mece. Mjeti borëpastrues i ardhur nga MB po punon ne rrugët urbane të qytetit të Pukës
Bashkia Pukë po monitoron në vijimësi situatën me qëllim ndërhyrjen në kohë të çdo rasti që paraqet probleme.
Bashkia Pukë ka në gatishmëri të gjitha ndërmarrjet vartëse, Ndërmarrja e shërbimeve ku po punojnë në terren rreth 50 veta.
Drejtoria Ujësjellës Kanalizime, Reparti MZSH, etj janë në gjendje gatishmërie, si dhe komunikohet periodikisht me të gjithë anëtarët e shtabit të emergjencave. Gjendja e kripës është 27 tonë. /k.s/ /a.g/
