TIRANË, 28 dhjetor/ATSH/ – Ujësjellës-Kanalizimet kanë finalizuar një tjetër investim në kryeqytet.
Një linjë e re shpërndarjeje e ujit të pijshëm u ndërtua shumë shpejt duke i dhënë zgjidhje problematikave dhe shërbimit në këtë zonë. Sipas UKT-së, çdo investim i ri, është një hap cilësor në përmirësimin e shërbimit ndaj qytetarëve.
Më herët, është vënë në funksion linja e re e Ujësjellësit e ndërtuar në një zonë të populluar të Tiranës. Ky investim i ri tashmë është pjesë e rrjetit shpërndarës, i cili ka rritur sasinë e shërbimit tonë ndaj qytetarëve. Investimi është kryer në “Rrugën e Kavajës”, përballë Birra Tirana.
z.tosku/j.p/
