NJU-JORK, 13 dhjetor /ATSH-DPA/ – Tashmë është zyrtare: fentanyl tani renditet si droga më vdekjeprurëse në Amerikë, theksuan zyrtarët e shëndetësisë.
”Opioidi sintetik që është deri në 50 herë më i fuqishëm se heroina ishte përgjegjës për 18 335 vdekje mbidozë në vitin 2016, më shumë se çdo drogë tjetër”, tha në një raport të ri Qendra Kombëtare amerikane për Statistikat e Shëndetit.
”Heroina, droga që më parë ishte në vendin e parë, shkaktoi vdekjen e 15 961 nga overdoza në vitin 2016”, shtoi ajo.
Fentanyl ka qenë e lidhur me shumë viktima të profilit të lartë, duke përfshirë edhe vdekjet nga overdoza të princit, Tom Petty, ish-anëtarit të grupit ”Wilco Jay Bennett” dhe reperave Lil Peep dhe Mac Miller.
Gjatë gjithë periudhës së studimit, kokaina u rendit e dyta ose e treta në mesin e 15 drogave më vdekjeprurëse. Nga viti 2014 deri në vitin 2016, numri i vdekjeve të mbidozave të drogës që përfshinte kokainën pothuajse u dyfishua nga 5 892 në 11 316 persona./ /os/ a.jor.
