TIRANË, 10 Dhjetor/ATSH/- Brenda pak ditëve sheshi pranë hyrjes së gjimnazit “28 Nëntori”, në Shkodër do të ndryshojë krejtësisht pamje.
Sipas planit të përcaktuar nga bashkia e Shkodrës për riparimin dhe mirëmbajtjen e rrugëve në qytet, është radha e oborrit të gjimnazit të njohur jo vetëm në Shkodër, por edhe më gjerë.
Bashkia parashikon ndërtimi i kanalizimeve të ujërave të bardha dhe lidhja me kolektorin kryesor.
Po ashtu do të shtrohet me asfalt e gjithë sipërfaqja e territorit të rrugëve në këtë hapësirë mjaft të frekuentuar nga shkodranët.
Bashkia e Shkodrës ka nisur prej kohësh punën për mirëmbajtjen e rrugëve, shtimin e lulishteve dhe sipërfaqeve të gjelbra në qytet. /k.s./j.p/
