TIRANË, 26 nëntor /ATSH/ – Bashkia e Gjenovës në Itali, propozoi që derbi argjentinas midis “River Plejtit”-“Boka Xhuniors”, të luhet në stadiumin “Luixhi Ferraris”.
Deri më tani kjo ndeshje është shtyrë dy herë dhe nuk ka një datë të saktë se kur mund të luhet. Ditën e diel, ndeshja u shty për shkak të sulmit të tifozëve të “River Plejtit” të cilët sulmuan autobusin e skuadrës së “Boka Xhuniors” duke plagosur edhe disa futbollistë.
Duke parë zhvillimet e deri tanishme, klubi i “Gjenovës”, më saktë bashkia e Gjenovës ka bërë thirrje që kjo ndeshje me këtë dinamikë të lartë të luhet në Itali.
Kërkesa është bërë për dy presidentët e klubeve të cilët janë me origjinë italiane dhe si stadium i propozuar është ai i “Luixhi Ferraris”.
Sipas raportimeve të fundit, pritet që nesër të merret një vendimi zyrtar se kur mund të luhet kjo ndeshje.
Ndeshja e parë midis këtyre dy skuadrave përfundoi në shifrat e barabarta 2-2.
/o.l//a.g/
