TIRANË, 13 janar/ATSH/ Efektivët e Batalionit të Tretë të Këmbësorisë të Regjimentit të Këmbësorisë së Veriut të Forcës Tokësore transportuan me sukses një fëmije të sëmurë nga fshati Ostren i Bulqizës drejt spitalit të Bulqizës.
Operacioni u zhvillua në kushtet e motit të rënduar me reshje të dendura dëbore.
Ministria e Mbrojtjes njoftoi se fëmija u transportua fillimisht me mjetin ushtarak të Batalionit të Tretë, ku më pas u krye kalimi në ambulancë për të vijuar drejt spitalit.
“Ky operacion është një shembull i përkushtimit dhe humanizmit të Forcave të Armatosura, të cilat qëndrojnë gjithmonë pranë qytetarëve në çdo situatë emergjente”, thuhet në njoftimin e Ministrisë së Mbrojtjes.
