TIRANË, 5 janar /ATSH/ Një defekt në linjën e tensionit të lartë ka shkaktuar pasditen e së dielës ndërprerjen e furnizimit me energji elektrike në qytetet Durrës, Vlorë, Fier, Lushnjë e Sarandë.
Burimet nga OSHEE tregojnë se linja 220 kilovolt pësoi avari dhe nuk arriti të furnizojë me energji nënstacionin e Spitallës, ndërsa nga Operatori i Sistemit të Transmetimit mësohet se po punohet për riparimin e linjës Kashar–Rrashbull.
Mësohet se, pas një ore pa energji elektrike, energjia është rikthyer në qytetin e Durrësit, dhe të Fierit, duke lehtësuar situatën për banorët dhe bizneset që ishin prekur nga ndërprerja.
/r.e/
