TIRANË, 20 dhjetor /ATSH/ Qeveria ka miratuar aktin normativ për disa ndryshime në Buxhetin e Shtetit për vitin 2024.
Ministrja për Bujqësinë dhe Zhvillimin Rural, Anila Denja bën me dije se janë miratuar 1.4 miliardë lekë shtesë për fermerët shqiptarë.
“Me vendimin e fundit të Qeverisë, mbështetja për bujqësinë dhe blegtorinë arrin një total prej 5.2 miliardë lekë”, thekson Denaj.
Denaj bën me dije se “skema Kombëtare e Subvencioneve mbështet 67,100 fermerë përmes 8 masave, ku 52,195 fermerë përfitojnë mbështetje për naftë”
”Disbursimi i mbështetjes direkte do të përfundojë brenda muajit dhjetor, duke siguruar që 50% e mbetur të transferohet në llogaritë e çdo fermeri”, shkruan Denaj.
Ministrja nënvizoi se për të tretin vit radhazi plotësojmë me 100% pagesat për fermerët e kualifikuar të Skemës Kombëtare direkte.
/a.f/
