BEJRUT, 25 shtator /ATSH-AA/ – Numri i të vdekurve nga sulmet ajrore të kryera nga ushtria izraelite në rajone të ndryshme të Libanit sot është rritur në 51 dhe ai i të plagosurve në 223.
Në një deklaratë, ministri libanez i Shëndetësisë Firas al-Ebyad dha informacione për sulmet e Izraelit dhe të zhvendosurit për shkak të sulmeve.
Ebyad tha se 51 persona kanë vdekur dhe 223 janë plagosur në sulmet e sotme të Izraelit.
Zyrtari libanez deklaroi se janë të shqetësuar për gjendjen shëndetësore të personave të prekur nga sulmet izraelite, veçanërisht atyre me sëmundje kronike.
Ndërkaq, numri i të vdekurve në sulmet e kryera nga Izraeli që nga 23 shtatori ka arritur në 609.
/u.sh/
