TIRANË, 22 tetor /ATSH/ – Pesë ndeshje pa fitore, prej të cilave katër humbje janë shumë keq për një ekip si “Real Madridi”.
Faji kryesor peshon mbi trajnerin Julen Lopetegui, që këtë verë mori drejtimin e skuadrës pas largimit të Zinedine Zidane.
Por mediet spanjolle shkruajnë që Lopetegui nuk e ka të gjatë qëndrimin si trajner i “Realit” dhe shumë shpejt do të shkarkohet.
Marca raporton se ish-futbollisti i “Los Blancos”, Santiago Solari është kandidati kryesor për të marrë drejtimin e ekipit.
Argjentinasi ka dy vite që është trajner i “Real Madrid” B dhe nëse ndodh që të shkarkohet Lopetegui, atëherë ai do të ulet në stolin e 13 herë kampionëve të Europës.
/gj.m/j.p/
