TIRANË, 12 mars/ATSH/ Nënkryetari i Rithemelimit, kreu i grupit parlamentar të Partisë Demokratike, Gazment Bardhi u mandatua nga grupi parlamentar i kësaj partie si përfaqësues në mbledhjen e Konferencës së Kryetarëve në Kuvend.
Prania e Bardhit në Konferencën e Kryetarëve vjen pas 5 muajsh mungesë, ndërsa deputetë të opozitës kanë bllokuar në vijimësi seancat plenare dhe komisionet parlamentare.
Mbledhja e grupit parlamentar të PD-së u zhvillua më dyer të mbyllura dhe mediet raportuan se pati debate mes deputetëve të opozitës ndërsa kanë diskutuar masën e arrestit ndaj ish-kryeministrit Sali Berisha. Ky i fundit ndodhet në arrest shtëpie pasi është në hetim nga SPAK për privatizimin e ish-kompleksit “Partizani”.
Burime të medies raportuan për përplasje mes deputetëve Tritan Shehu dhe Bledjon Nallbati.
