TIRANË, 1 dhjetor/ATSH/ Kryetarja e Kuvendit, Lindita Nikolla uroi sot zyrtarët e lartë rumunë, me rastin e Ditës së Bashkimit të Rumanisë.
“Me rastin e Ditës së Madhe të Bashkimit të Rumanisë, i dërgoj urimet e mia të përzemërta Presidentit të Përkohshëm të Dhomës së Deputetëve, Alfred-Robert Simonis, dhe Presidentit të Senatit, Nicolae Ciuca, të gjithë anëtarëve të Dhomës e Senatit dhe popullit të Rumanisë”, shkruan Nikolla në mesazhin e saj.
Kryetarja e Kuvendit vlerëson se Rumania është një vend mik i Shqipërisë, një partner në NATO dhe të gjithë shqiptarët janë mirënjohës për mbështetjen e fortë dhe të vazhdueshme të Rumanisë në procesin e integrimit evropian të vendit tonë.
/m.m/r.e/
