SOFJE, 3 nëntor /ATSH-BTA/- Ministri bullgar i Mbrojtjes Todor Tagarev zhvilloi sot një takim me ambasadoren e Shqipërisë në Bullgari, Donika Hoxha.
Palët diskutuan projektet rajonale, përfundimin e Korridorit VIII, rritjen e buxhetit të mbrojtjes, sfidat që lidhen me luftën në Ukrainë dhe situatën në Lindjen e Mesme, ndër të tjera.
Tagarev dhe Hoxha diskutuan gjithashtu mënyrat për thellimin e mëtejshëm të bashkëpunimit në fushat me interes të përbashkët, duke theksuar bashkëpunimin dypalësh në mbrojtje.
Gjatë takimit, Tagarev shprehu vlerësimin e tij për kontributin e Shqipërisë në grupin e betejës shumëkombëshe të NATO-s. //a.i/
