NJU JORK, 14 tetor /ATSH-DPA/ – Poetja amerikane dhe fituesja e çmimit Nobel për Letërsinë, Louise Gluck vdiq, tha sot kreu i shtëpisë botuese ”Farrar, Straus and Giroux”.
Ajo ishte 80 vjeçe.
Një poete dhe eseiste, Gluck u nderua me çmimin në vitin 2020 për punën e saj dhe, sipas jurisë, ”për shkak të zërit të saj të pagabueshëm poetik, që me bukurinë e bën ekzistencën individuale universale”.
Gluck ka fituar gjithashtu çmimin ”Pulitzer”, Medaljen Kombëtare të Shkencave Humane, Çmimin Kombëtar të Librit, Çmimin Kombëtar të Kritikëve të Librit dhe çmimin ”Bollingen”.
Ajo u lind në Nju Jork në vitin 1943 dhe vdiq në Kembrixh./ a.jor.
