VJENË, 7 tetor /ATSH-DPA/ – Ekonomistët austriakë presin një rënie të prodhimit ekonomik në vitin 2023 përpara një rritjeje vitin e ardhshëm.
Instituti Austriak i Kërkimeve Ekonomike (WIFO) rishikoi shifrat e tij dhe vlerësoi se produkti i brendshëm bruto (PBB) do të tkurret me 0,8% në 2023, ndërsa Instituti për Studime të Avancuara (IHS) parashikoi një rënie prej 0,4%.
Të dy institutet kishin parashikuar më herët, respektivisht rritje prej 0,3% dhe 0,5%.
“Rënia ekonomike është ndikuar nga çmimet vazhdueshme të larta të energjisë, normat e larta të interesit dhe konkurrenca ndërkombëtare në rënie”, tha drejtori i WIFO, Gabriel Felbermayr.
Të dy institutet presin rritje prej 1,2% dhe 0,9% për vitin 2024, pas uljes së parashikuar të çmimit të energjisë, rritjes së të ardhurave reale dhe përmirësimit të kushteve ekonomike globale.//a.i/
