UASHINGTON, 13 shtator /ATSH-DPA/ – Departamenti i Punës i SHBA-së tregoi në një raport se çmimet e konsumit në SHBA janë rritur në përputhje me vlerësimet e ekonomistëve në muajin gusht.
Raporti tha se indeksi i çmimeve të konsumit u rrit me 0,6% në gusht, pasi u rrit me 0,2% në korrik. Rritja e çmimeve përputhet me pritshmëritë e ekspertëve.
Duke përjashtuar çmimet e ushqimeve dhe energjisë, çmimet bazë të konsumit u rritën me 0,3% në gusht, pasi u rritën me 0,2% në korrik.
Ekonomistët kishin parashikuar një rritje tjetër prej 0,2%.
Departamenti i Punës tha gjithashtu se norma vjetore e rritjes së çmimeve të konsumit u përshpejtua në 3,7% në gusht nga 3,2% në korrik.
Norma vjetore e rritjes pritej të përshpejtohej në 3,6%.
Ndërkohë, sipas raportit norma vjetore e rritjes sipas çmimeve bazë të konsumit u ngadalësua në 4,3% në gusht krahasuar me 4,7% në korrik, në përputhje me vlerësimet e ekonomistëve.//a.i/
