TIRANË, 10 Tetor /ATSH/ -“Progresi i qëndrueshëm i reformave të Shqipërisë në fushën e sundimit të së drejtës konfirmohet sërish nga rezoluta e Komisionit për Punët e Jashtme të Parlamentit Europian”, deklaroi sot Ministri për Europën dhe Punët e Jashtme, Ditmir Bushati.
Bushati thekson se, “Rezoluta përkrah rekomandimin e Komisionit Europian për hapjen e negociatave të anëtarësimit të Shqipërisë me BE, në qershor të 2019”.
Ministri Bushati falenderon deputetët e komisionit të politikës së jashtme dhe raporterët për Shqipërinë në Parlamentin Europian.
“Faleminderit deputetëve të komisionit të politikës së jashtme dhe raporterëve për Shqipërinë në Parlamentin Europian. Mbështetja e tyre është inkurajim për thellimin e reformave”.
/gj.mima/j.p/
