TIRANË, 13 qershor /ATSH/ Aksioni i pastrimit i nisur të shtunën nga Velipoja në Shkodër, i përqendruar në zonën e Vilunit, dha rezultate të dukshme.
Kryetari i bashkisë së Shkodrës, Benet Beci ka ndarë në rrjetet sociale foto e shifra të rezultateve nga aksioni i pastrimit në këtë zonë.
Beci informoi se, “gjatë fundjavës, janë pastruar rreth 3200 m² sipërfaqe dhe janë transportuar për në landfill-in e Bushatit 95 m³ inerte dhe mbetje. Puna vijon në pika të tjera në zonën e plazhit”.
Beci ka falenderuar të gjithë institucionet dhe punonjësit e përfshirë në këtë aksion dhe ka ftuar të gjithë bizneset e qytetarët ta mbështesin e të kontribuojnë në mbarëvajtje e tij dhe ruajtjen e mjedisit.
Në aksionin e fundjavës në Vilun u përfshinë Forcat e Armatosura, si bashkëveprim mes Ministrisë së Turizmit e Mjedisit, Ministrisë së Mbrojtjes, Prefektit dhe bashkisë Shkodër.
/r.e/
