TIRANË, 15 maj/ATSH/ Kandidati i koalicionit “Bashkë Fitojmë”, për bashkinë e Shkodrës, Bardh Spahia shprehu mirënjohjen për qytetarët që e mbështetën në këto zgjedhje.
Deklarata vjen ndërsa nga kutitë e votimit të numëruara deri tani tregohet se në avantazh është Benet Beci, kandidati i PS-së.
“Çdo pushtet i dalë nga bota e krimit dhe paratë e pista nuk jeton gjatë, ndërsa shpirti i lirë i Shkodrës i ka rezistuar edhe kohëve më të errëta. Mirënjohje për të gjithë qëndrestarët dhe ata që nuk bëjnë kompromis për lirinë”, u shpreh Spahia në rrjetet sociale.
/r.e/
