TIRANË, 8 shkurt /ATSH – I. Vata/ Inspektorati Kombëtar i Mbrojtjes së Territorit (IKMT) vijoi sot prishjen e pesë objekteve në zonën Bregu Lumit-Sheshi Shqiponja, për t’i hapur rrugën vijimit të ndërtimit të Unazës së Madhe të Tiranës.
Inspektorati Kombëtar i Mbrojtjes së Territorit njoftoi se, vijon puna për prishjen e 5 objekte të lartësive të ndryshme në zonën Bregu Lumit-Sheshi Shqiponja.
“Në këtë zonë kalon gjurma e segmentit rrugor “Unaza e Madhe e Tiranës” një vepër me interes publik në mbështetje të të cilit është edhe IKMT prej disa vitesh. Poseduesit e objekteve që kanë nisur të prishen, janë shpronësuar me vendim të Këshillit të Ministrave”, thuhet në njoftim.
/gj.m/
