TIRANË, 20 janar/ATSH – I. Vata/ – Drejtoria Vendore e Policisë Dibër njofton se është rihapur për qarkullimin e automjeteve rruga e Arbrit, bypass-Qafë Murrizë, e cila u bllokua në orët e para të mëngjesit për shkak të reshjeve të dëborës.
Policia njofton se qarkullimi do të kryhet vetëm me goma dimërore dhe mjete antirrëshqitëse.
“Shërbimet e Policisë Rrugore kanë shtuar prezencën e tyre në rrugë, me qëllim orientimin dhe këshillimin e drejtuesve të mjeteve për një qarkullim sa më të sigurt e me qëllim parandalimin e aksidenteve me pasoja për ta. Policia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë”, thuhet në njoftim.
