TIRANË, 6 dhjetor/ATSH/ Shërbimi Meteorologjik Ushtarak bëri të ditur për ditën e martë vendi ynë do të ndikohet nga kushte atmosferike relativisht të paqëndrueshme.
Moti parashikohet me vranësira mesatare dhe të dendura. Vranësirat do të shoqërohen me reshje shiu me intensitet të ulët në bregdetin jugor dhe pjesërisht në zonën qendrore. Në veri-veriperëndim dhe në bregdetin perëndimor, reshje shiu me intensitet mesatar në formë shtrëngatash shoqëruar me shkarkesa elektrike gjatë pasdites. Mjegullë/mjegullinë lokale nga reshjet e shiut.
Era do të fryjë me drejtim juglindje – jug me shpejtësi mesatare 1-7m/sek. Në bregdet e lugina era fiton shpejtësi deri në 10-12m/s, duke u shoqëruar me valëzim në dete të forcës 3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 8/13 | Re shi |
| Kukës | 2/11 | Re |
| Lezhë | 10/15 | Re shi |
| Dibër | 1/10 | Re |
| Durrës | 11/19 | Re shi |
| Tiranë | 11/19 | Re shi |
| Elbasan | 11/18 | Re diell |
| Berat | 10/19 | Re diell |
| Vlorë | 11/19 | Re shi |
| Korçë | 3/11 | Re |
| Gjirokastër | 9/15 | Re shi |
| Sarandë | 11/17 | Re shi |
