TIRANË, 19 nëntor /ATSH/ Shërbimi Meteorologjik Ushtarak bëri të ditur se sot vendi do të ndikohet nga kushte të paqëndrueshme atmosferike falë depërtimit të masave ajrore të paqëndrueshme dhe të lagështa me origjinë veriperëndimore.
Moti parashikohet me vranësira mesatare dhe të dendura me intervale të pakta me diell.
Fillimisht parashikohen reshje shiu me intensitet të ulët në pjesën më të madhe të territorit, ndërsa në veriperëndim me intensitet mesatar në formë shtrëngatash.
Duke filluar nga orët e pasdites por kryesisht ato të mbrëmjes vonë do të ketë reshjet shiu të herëpashershme me intensitet mesatar deri dhe të lartë në veriperëndim dhe jugperëndim në formën e rrebesheve dhe stuhive shoqëruar me shkarkesa elektrike.
Era do të fryjë me drejtim juglindje-jugperëndim me shpejtësi mesatare 3-10 m/sek. Përgjatë vijës bregdetare dhe zonat luginore era hera herës do jetë intensive dhe shpejtësi me rrahje deri në 13-18 m/s. Parashikohet erë e fortë dhe problematike përgjatë vijës bregdetare. Valëzimi në dete parashikohet i forcës nga 3-6 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 12/20 | Re shi/rrebesh |
| Kukës | 13/18 | Re shi |
| Lezhë | 12/21 | Re shi/rrebesh |
| Dibër | 8/17 | Re shi |
| Durrës | 13/23 | Re shi |
| Tiranë | 13/22 | Re shi |
| Elbasan | 13/21 | Re shi |
| Berat | 11/23 | Re shi |
| Vlorë | 14/23 | Re shi/rrebesh |
| Korçë | 9/17 | Re shi |
| Gjirokastër | 9/22 | Re shi/rrebesh |
| Sarandë | 16/23 | Re shi/rrebesh |
