VARSHAVË, 9 shtator /ATSH–PAP/ – Më shumë se 14 600 kompani polake u hoqën nga Regjistri Zyrtar në gusht, pasi shpallën falimentimin.
”Kjo është një rritje prej 6,9% krahasuar me muajin e kaluar”, njoftoi Zyra Qendrore polake e Statistikave (GUS).
”Megjithatë, 32 434 kompani të reja u regjistruan në gusht dhe numri ishte 4,5% më i lartë se në muajin korrik”, theksoi GUS-i.
Në gusht ishin rreth 619 400 kompani me aktivitet të pezulluar dhe numri i tyre u rrit me 1,4% gjatë muajit të fundit të verës./ /os/
