TIRANË, 4 gusht /ATSH/ Normat e interesit për kredinë në euro shënuan rënie në muajin qershor të këtij viti.
Referuar statistikave të Bankës së Shqipërisë, norma mesatare e huave të reja për blerje banese në euro, gjatë muajit qershor, shënoi vlerën 2.88% nga 2.95% që ishte një muaj më parë.
Nga ana tjetër, rënie regjistrohet edhe sa i përket normave të interesit në total për individët. Gjatë muajit qershor norma e interesit në total, adresuar këtij segmenti, regjistrohet në 3.3% nga 3.47% që ishte gjatë muajit maj të këtij viti, ose 0.17%.
Sipas statistikave të BSH-së, interesat janë ulur edhe për overdraftet në monedhën europiane. Gjatë qershorit, interesat për overdraft pësuan rënie prej 2.7 % nga 13.6% gjatë muajit maj në 10.8% në qershor.
Kredia në euro i është kthyer rritjes qysh gjatë vitit 2021, i nxitur nga rritja vjetore me 19% e depozitave në euro.
Të dhënat e BSH-së tregojnë se kredia në monedhën europiane u rrit me 57% gjatë katërmujorit të parë të këtij viti.
/i.s/
