TIRANË, 17 qershor/ATSH/ Maturantët do t’i nënshtrohen sot testimit në lëndën e matematikës. Sikurse edhe në dy provimet e mëparshme, edhe për lëndën e matematikës testimi nis në orën 10:00 dhe do të përfundojë në orën 12:30.
Sipas Ministrisë së Arsimit, në të gjithë vendin janë ngritur 167 qendra testimi me 7 mijë mësues administrues, ndërsa 33 mijë maturantë do të marrin pjesë në testim.
Maturantët kanë dhënë dy provime, për gjuhën e huaj dhe gjuhë shqipe dhe letërsi ndërsa me datë me 24 do të japin provimin e lëndës me zgjedhje.
Testi i Maturës në total ka 60 pikë, ku 20 pikë për pyetjet me alternativa dhe 40 pikë pyetjet me zhvillim.
Për sa i përket nivelit të vështirësisë 40 % të pikëve të testit do të jenë nivel i parë, 40 % niveli i dytë dhe 20 % që do të bëjnë diferencën e maturantëve më të mirë të cilët duan të arrijnë rezultate maksimale.
Ministrja e Arsimit dhe Sportit, Evis Kushi ka apeluar maturantët që të zgjedhin programet e studimit për të cilat ka nevojë tregu i punës.
/r.e/
