TIRANË, 18 prill /ATSH/ Shërbimi Meteorologjik Ushtarak bën të ditur se, sot vendi ynë do të ndikohet nga masa ajrore relativisht të paqëndrueshme me origjinë verilindore.
Moti parashikohet me alternime kthjellimesh dhe vranësirash, këto të fundit deri të dendura në mënyrë të herëpashershme.
Vranësirat do të shoqërohen me reshje shiu të herëpashershme me intensitet të ulët në relievet kodrinore-malore të vendit si dhe zonën e jugut. Në jugperëndim gjatë orëve të pasdites reshjet me intensitet deri mesatar në formën e shtrëngatave apo stuhive afatshkurtra. Borë e dobët në relievet e larta malore.
Era do të fryjë me drejtim kryesor nga kuadrati i veriut dhe shpejtësi mesatare 1-8 m/s, përgjatë vijës bregdetare dhe në zonat luginore era intensive dhe arrin shpejtësi deri në 12-17 m/sek. Valëzimi në dete parashikohet i forcës 2-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 7/20 | Re diell |
| Kukës | 3/13 | Re shi/bore |
| Lezhë | 8/20 | Re diell |
| Dibër | 4/14 | Re shi/bore |
| Durrës | 10/18 | Diell re |
| Tiranë | 11/20 | Diell re |
| Elbasan | 11/18 | Diell re shi |
| Berat | 6/17 | Diell re shi |
| Vlorë | 8/17 | Re shi |
| Korçë | 4/13 | Re shi/bore |
| Gjirokastër | 8/18 | Diell re shi |
| Sarandë | 9/18 | Diell re shi |
