TIRANË, 7 prill /ATSH/ Shërbimi Meteorologjik Ushtarak bën të ditur se, vendi ynë sot do të jetë nën ndikimin e masave ajrore të paqëndrueshme të cilat do të sjellin në vend mot kryesisht të vranët e intervale të shkurtra me diell.
Reshjet e shiut me intensitet mesatar do të bëhen prezente që në orët e para të 24-orëshit në të gjithë vendin. Hera herës reshjet e shiut do të fitojnë intensitet deri të lartë në formën e shtrëngatave kryesisht në veriperëndim të vendit.
Era do të fryjë me drejtim nga kuadrati i jugut me shpejtësi mesatare 1-7 m/sek, e cila hera-herës përgjatë vijës bregdetare dhe në momentin e zhvillimit të vranësirave do të fitojë shpejtësi deri në 12-18 m/sek. Valëzimi në dete parashikohet i forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 10/14 | re shi |
| Kukës | 8/12 | re shi |
| Lezhë | 9/13 | re shi |
| Dibër | 7/11 | re shi |
| Durrës | 11/15 | re shi |
| Tiranë | 10/14 | re shi |
| Elbasan | 10/14 | re shi |
| Berat | 8/12 | re shi |
| Vlorë | 11/14 | re shi |
| Korçë | 7/10 | re shi |
| Gjirokastër | 8/14 | re shi |
| Sarandë | 11/15 | re shi |
