ATHINË, 14 mars /ATSH-ANA/ – Me anë të një videoje të postuar në Instagram, kryeministri grek, Kyriakos Mitsotakis bëri të ditur se në testin e kryer sot ka rezultuar pozitiv me koronavirus.
Ai shtoi se ditët në vijim do të jetë në karantinë në shtëpinë e tij.
“Kohët e fundit të gjithë jemi të zënë me luftën në Ukrainë dhe çmimet e larta. Por, koronavirusi është ende këtu. Në testin e përditshëm që bëra mëngjesin e sotëm dola pozitiv dhe si rezultat do të jem i izoluar në shtëpi dhe do të punoj nga atje”, tha ai.
”Dëshiroj të mbani mend se vaksinimi i trefishtë ofron sigurinë më të mirë të mundshme ndaj sëmundjeve të rënda dhe jam i sigurt se gjithçka do të shkojë mirë dhe shumë shpejt do të jem sërish në zyrën time”, theksoi kryeministri grek./ a.jor.
