TIRANË, 6 mars /ATSH/ Shërbimi Meteorologjik Ushtarak bën të ditur se sot në vend do të mbizotërojë përgjithësisht mot i vranët.
Që prej orëve të para të 24-orëshit në të gjithë vendin parashikohen reshje shiu e shtrëngata. Lokalisht reshjet do të shoqërohen me shkarkesa elektrike. Në relievet malore parashikohet borë e dendur. Lokalisht dëbora do të prekë dhe lartësitë kodrinore.
Në orët e mesditës e pasdites intensiteti i reshjeve do jetë në rënie. Gjatë kësaj kohe parashikohet mjegull e mjegullinë.
Era do të fryjë nga juglindja dhe verilindja e lehtë e lokalisht mesatare në bregdet. Valëzimi në dete parashikohet i forcës 3 dhe 4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 4/10 | Re shi |
| Kukës | 1/4 | Re borë |
| Lezhë | 6/11 | Re shi |
| Dibër | -2/3 | Re borë |
| Durrës | 3/12 | Re shi |
| Tiranë | 3/12 | Re shi |
| Elbasan | 3/11 | Re shi |
| Berat | 1/12 | Re shi |
| Vlorë | 5/12 | Re shi |
| Korçë | -1/4 | Re borë |
| Gjirokastër | 3/10 | Re shi |
| Sarandë | 5/12 | Re shi |
