VARSHAVË, 18 shkurt /ATSH-PAP/ – Departamenti amerikan i Shtetit ka miratuar shitjen në Poloni të 250 tankeve ”Abrams”, tip M1A2 SEPv3, versioni më i fundit i këtij mjeti, njoftoi sot Ministria polake e Mbrojtjes.
Tanket, të cilat vijnë me një çmim prej gjashtë miliardë dollarësh, janë pjesë e një programi modernizimi të forcave të armatosura polake.
“Lajm shumë i rëndësishëm për sigurinë polake. Departamenti i Shtetit ka shprehur miratimin për shitjen e 250 tankeve ‘Abrams’, tip ‘M1A2 SEPv3’. Është një fuqizim jashtëzakonisht i rëndësishëm i kapacitetit tonë të mbrojtjes dhe një nga kontratat më të rëndësishme të armatimit në historinë e Polonia”, shkroi ministri polak i Mbrojtjes, Mariusz Blaszczak në Twitter.
Qeveria polake shpalli kërkesën e saj për të blerë tanke amerikane vitin e kaluar dhe Blaszcak tha se grupi i parë i tyre do të mbërrijë në Poloni këtë vit.
Tanket prodhohen nga kompania ”General Dynamics”./ /os/
