TIRANË, 30 tetor /ATSH/ Shoqata shqiptare e ish-pjesëmarrësve në programet e shkëmbimit në Shtetet e Bashkuara (AUSA) ka nisur serinë fillestare të “Democracy Talks”.
Ambasada e SHBA në Tiranë bëri të ditur sot se nisma e AUSA-s bashkoi ish-pjesëmarrës në programe të ndryshme të Departamentit të Shtetit të SHBA me studentë të rinj të shkencave politike për të zbuluar tendencat më të fundit në demokraci dhe të drejtat e njeriut, me folëse të ftuar nderi, Ambasadoren Michele Taylor, përfaqësuese e përhershme e SHBA në Këshillin e të Drejtave të Njeriut të Kombeve të Bashkuara.
Përkushtimi i vazhdueshëm i Ambasadores Taylor ndaj aktivizmit dhe diplomacisë ndezi një diskutim nxitës mbi tema të ngutshme si të drejtat e LGBTQI+ dhe ndikimi i inteligjencës artificiale.
“Democracy Talks” do të vazhdojnë në nëntor me dy aktivitete të tjera. /j.p/
