LOS ANXHELES, 23 tetor /ATSH/ – LeBron James dhe Bronny James u bënë të parët babë e bir në histori që luajtën së bashku në NBA duke përmbushur një ëndërr të nisur disa vite më parë nga LeBron, pikashënuesi më i mirë në historinë e ligës.
”Ai moment … të qëndrojmë së bashku në tabelën e pikëve dhe të shënojmë së bashku, është një moment që nuk do ta harroj kurrë”, theksoi LeBron.
”Pavarësisht se sa vjeç bëhem, pavarësisht se sa më zbehet kujtesa ndërsa plakem apo çfarëdo qoftë, nuk do ta harroj kurrë atë moment”, shtoi ai.
Babë e bir hynë në lojën kundër Minesotës në të njëjtën kohë me katër minuta të mbetura në çerekun e dytë, duke shkaktuar një ovacion të madh nga turma vendase e vetëdijshme për madhështinë e asaj arritjeje.
LeBron James është një nga lojtarët më të mëdhenj në historinë e NBA-së, katër herë kampion dhe 20 herë All-Star, ndërsa LeBron James Jr. ishte një zgjedhje nga Lakers verën e kaluar./ /os/
