TIRANE, 9 gusht/ATSH/ Shërbimi meteorologjik Ushtarak bëri të ditur se ditën e premte vendi ynë do të vijojë të ndikohet nga kushte atmosferike të qëndrueshme për shkak qarkullimit të masave ajrore të nxehta me origjinë jugore.
Moti parashikohet i kthjellët në të gjithë territorin, ndërsa në orët e mesditës deri ato të pasdites vonë në relievet kodrinore – malore të vendit vranësira kalimtare të cilat do të jenë më të theksuara në relievet e larta të vendit. Në relievet e larta malore të vendit në orët e nxehta të ditës reshje shiu afatshkurtra dhe të izoluara (kryesisht në formën e pikave), ndërsa në mënyrë tepër të izoluar këto reshje në këto zona në formën e shtrëngatave.
Era do të fryjë me drejtim kryesor nga veriperëndim – jugperëndim me shpejtësi mesatare 1-6 m/sek, ndërsa përgjatë vijës bregdetare e lugina era fiton shpejtësi 10-14 m/sek, shoqëruar me valëzim në dete të forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 20/37 | Diell |
| Kukës | 14/35 | Diell re |
| Lezhë | 19/36 | Diell |
| Dibër | 16/35 | Diell re |
| Durrës | 21/37 | Diell |
| Tiranë | 23/36 | Diell re |
| Elbasan | 23/39 | Diell re |
| Berat | 17/37 | Diell re |
| Vlorë | 21/36 | Diell |
| Korcë | 18/32 | Diell re |
| Gjirokastër | 17/37 | Diell re |
| Sarandë | 19/34 | Diell |
/a.f/
