TIRANË, 4 korrik /ATSH/ Presidenti i Republikës, Bajram Begaj uroi sot 4 korrikun, festën e Pavarësisë së Shteteve të Bashkuara të Amerikës.
Begaj u shpreh në mesazh se Shqipëria dhe SHBA ndajnë një miqësi dhe partneritet të forcuar nga një përkushtim i përbashkët ndaj vlerave demokratike.
“Së bashku, si aleatë strategjikë, ne jemi të përkushtuar për të nxitur një të ardhme që mbështet dhe lavdëron këto parime”, thekson Begaj.
