ROMË, 6 qershor /ATSH-ANSA/ – Zëvendëskryeministri dhe ministri i Jashtëm italian, Antonio Tajani deklaroi se presidenti rus Vladimir Putin po organizon një luftë hibride shumëplanëshe, përfshirë kërcënime kundër Perëndimit, përveç sulmeve ushtarake të Moskës ndaj Ukrainës.
Ai përsëriti gjithashtu se Italia nuk do të jetë në mesin e vendeve perëndimore për të lejuar Kievin të përdorë armët që furnizon për të goditur objektivat në territorin rus.
”Putini po bën një luftë hibride dhe po përpiqet të trembë Evropën dhe Perëndimin, por kjo është pjesë e lojës. Ne nuk do të dërgojmë ushtarë në Ukrainë dhe do të lejojmë që armët tona të përdoren në Rusi”, theksoi Tajani.
Putin iu referua përsëri përdorimit të mundshëm të armëve bërthamore, duke thënë se “të gjitha mjetet janë në dispozicionin tonë për të mbrojtur integritetin tonë”.
Tajani komentoi gjithashtu atë që Putin tha të mërkurën se ”Italia është më pak rusofobike se vendet e tjera perëndimore”.
”BE dhe NATO janë të bashkuar në mbrojtjen e Ukrainës dhe ne pajtohemi pa hezitim. Kjo është një gjë, është tjetër të përdorësh armë për të sulmuar”, shtoi Tajani./ /os/
