SIDNEJ, 13 prill /ATSH-ANSA/ – Disa të vdekur pas një sulmi në qendrën tregtare të Sidnejt ”Westfield”, sipas asaj që shkruan ”Sydney Herald”, që citon një dëshmitar që thotë se ka parë disa të shtritë në tokë.
”Disa indikacione tregojnë se aty mund të ketë gjashtë të vdekur”, shkruan ndërkohë ”Sydney Morning Herald”, ndërsa ”The Guardian” bën fjalë për katër viktima.
Televizioni australian ABC gjithashtu i referohet mundësisë që atje mund të kenë qenë dy sulmues, por lajmi nuk konfirmohet.
Kanali televiziv australian ”Channel 9” raporton se mes tyre është edhe një foshnjë nëntë muajshe.
Sipas medias, sulmi ka ndodhur me armë të ftohta./ a.jor.
