BERLIN, 13 prill /ATSH- ANSA/ – Gjermania ka njoftuar se do të dërgojë një sistem të ri të mbrojtjes kundërajrore Patriot në Ukrainë për të ndihmuar forcat e armatosura të shmangin sulmet në rritje.
“Për shkak të rritjes së sulmeve ajrore ruse kundër Ukrainës, qeveria gjermane ka vendosur të forcojë më tej mbrojtjen ajrore të Ukrainës”, deklaroi ministria e Mbrojtjes në një deklaratë.
Ministri i Jashtëm ukrainas Dmytro Kuleba tha se Kievi po negocion në mënyrë aktive për dy bateri të raketave Patriot dhe një nga sistemi i armëve Samp-T.
Kuleba theksoi se kishte folur me homologun e tij italian Antonio Tajani, në lidhje me hapat konkretë sesi Italia mund të marrin një rol aktiv në kërkimin e sistemeve të mbrojtjes ajrore dhe marrjen e vendimeve të koordinuara për dërgimin e tyre në Ukrainë. /os/
