TIRANË, 8 prill /ATSH/ Gjykata e Posaçme e Apelit vendosi të lejë në fuqi masën arrest shtëpie për ish-kryetarin e bashkisë së Durrësit, Vangjush Dako, duke rrëzuar kërkesën e Prokurorisë Speciale Antikorrupsion. SPAK kërkoi kthimin e masës “Arrest me burg” për ish- kryetarin e Bashkisë së Durrësit.
Dako u lirua nga masa “arrest me burg” më 27 shkurt 2024 pasi skaduan afatet e paraburgimit. SPAK kërkoi kthimin e masës së sigurisë “Arrest me burg”, por Apeli i GJKKO e rrëzoi këtë kërkesë.
