TIRANË, 18 mars /ATSH/ Kryetarja e Kuvendit, Lindita Nikolla priti sot Sekretarin e Përgjithshëm të PABSEC, Asamblesë Parlamentare të Bashkëpunimit Ekonomik të Detit të Zi, Asaf Hajiyev.
Kryetarja Nikolla dhe Sekretari Hajiyev diskutuan mbi përgatitjet për Asamblenë e Përgjithshme të PABSEC, e cila do të zhvillohet në Tiranë në datat 13-14-15 maj.
Kuvendi i Shqipërisë mban aktualisht Presidencën e radhës të PABSEC dhe po punon për rritjen e rolit të Organizatës për zhvillimin, bashkëpunimin, mirëkuptimin dhe paqen në rajon.
/r.e/
