ANKARA, 8 mars /ATSH-ANSA/- Presidenti turk Recep Tayyip Erdogan tha se zgjedhjet lokale të planifikuara më 31 mars do të ishin të fundit, njoftoi sot gjencia shtetërore e lajmeve Anadolu.
Erdogan, politikani më i suksesshëm i Turqisë moderne, ka udhëhequr vendin për më shumë se dy dekada.
Fituesi i më shumë se një duzinë zgjedhjesh që nga viti 2002, Erdogan u rizgjodh për një mandat pesë-vjeçar gjatë zgjedhjeve të kontestuara ashpër në maj 2023.
“Kjo është një finale për mua, sipas mandatit të dhënë me ligj, këto janë zgjedhjet e mia të fundit”, tha Erdogan.
“Rezultati që do të dalë do të jetë transferimi i një trashëgimie te vëllezërit e motrat e mia që do të vijnë pas meje”, tha Erdogan. //a.i/
