LONDËR, 29 shkurt /ATSH-DPA/ – Jordania dhe Bahreini i kanë kërkuar Britanisë t’i furnizojë me parashuta për të mundësuar dërgimin e më shumë ndihmave në Rripin e Gazës të shkatërruar nga lufta dhe Londra ka rënë dakord në parim, deklaroi ministria e Jashtme britanike.
“Së bashku me partnerët tanë ndërkombëtarë ne do të vazhdojmë të dërgojmë ndihma humanitare për ata që kanë më shumë nevojë”, shkroi ministria në X.
Ministria postoi gjithashtu fotografi që tregojnë pakot duke u ngarkuar në një aeroplan.
Ushtria izraelite njoftoi se furnizimet me ndihma për banorët e Rripit jugor të Gazës ishin hedhur nga ajri në bashkëpunim me Shtetet e Bashkuara, Francën dhe disa vende arabe gjatë ditëve të fundit.
Dëshmitarët okularë thanë se kutitë përmbanin oriz, makarona dhe fasule. Sipas burimeve palestineze, dërgesat ishin të koordinuara mes ushtrisë izraelite dhe disa vendeve arabe.
Megjithatë, duke pasur parasysh situatën katastrofike humanitare në Gaza, OKB-ja nuk po përjashton mundësinë e furnizimit ajror të më shumë se 2 milionë njerëzve. /os/
