TIRANË, 19 shkurt/ATSH/ Drejtoria e Përgjithshme e Shërbimeve të Transportit Rrugor është një institucion miqësor ndaj kafshëve. Një nga postimet e fundit të këtij institucioni në rrjetet sociale i kushtohet këtij fakti, përmes një albumi fotografik, ku protagonistin e bëjnë miqtë e vegjël katërputroshë.
“Mikpritja e shoqëruesve me miqtë e tyre me gëzof ndihet në çdo vizitë të tyren, në çdo ambient shërbimi”, shkruhet në faqen online të DPSHTRR-së.
Institucioni shkruan se, duke e ditur që miqtë me gëzof janë pjesë e familjes, ka përkushtim që çdo vizitë aty, të kthehet në një përvojë miqësore si për njerëzit, ashtu edhe për kafshët, përmes krijimit të hapësirave të përshtatshme dhe një kulture stafi unike.
DPSHTRR mirëpret në çdo Drejtori Rajonale por duke kërkuar mirëkuptim në plotësimin e kushteve të higjienës dhe sigurisë për të gjithë.
/r.e/
