TIRANË, 25 janar /ATSH/ Drejtori i Përgjithshëm i Autoritetit Kombëtar të Ushqimit, Edmond Rrushi ka vijuar me takimet e punës mbi platformën e sigurisë ushqimore, këtë herë në qarkun e Gjirokastrës, duke u ndalur në bashkitë Gjirokastër, Tepelenë dhe Përmet.
Rrushi tha se, diskutimet u përqendruan në situatat aktuale të tregjeve në këto bashki, kushtet në të cilat tregtohet, teksa u vu theksi në forcimin e bashkëpunimit të mëtejshëm ndërmjet strukturave për përmirësimin e tyre.
Sipas tij, u diskutua gjerësisht edhe mbi problematikat, që paraqesin tregtarët ambulantë, sa i përket kushteve në të cilat tregtojnë.
“Bashkërenduam masat që do duhet të ndërmerren nga ana e bashkive, për rritjen e sigurisë ushqimore dhe parandalimin e çdo rreziku në mbrojtje të shëndetit të konsumatorin”, tha ai.
